Aa |   aA
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | ឃាត់ខ្លួនជនបរទេសជិត១០នាក់ ពាក់ព័ន្ធករណីកាន់កាប់អាវុធខុសច្បាប់ នៅខេត្តព្រះសីហនុ | BREAKING: ផ្អើលករណីពុលសាំងវិច ពីហាងសំពៅមាស មន្ត្រីសាលាក្រុងព្រះសីហនុ ជិត៥០នាក់កំពុងព្យាបាល | សម្តេច​តេ​ជោ ហ៊ុន សែន រំលឹកពី​អាហារ​​មួយពេល​ជា​ប្រវត្តិសាស្ត្រ​ជាមួយ​មេដឹកនាំ​ខ្មែរក្រហម​ | Update៖ ធ្លាក់យន្តហោះនៅកូរ៉េខាងត្បូង ឆក់ជីវិតអ្នកដំណើរស្ទើរតែទាំងអស់នៅលើយន្តហោះ | សម្តេចនាយករដ្ឋមន្ត្រី ហ៊ុន ម៉ាណែត ប្រារព្ធទិវាសន្តិភាពនៅកម្ពុជា ជាមួយនឹងការប្រកួតបាល់ទាត់មិត្តភាព | ប្រធានាធិបតីសហរដ្ឋអាមេរិកទី៣៩ លោក ជីមមី ខាតធ័រ ទទួលមរណភាពនៅអាយុ ១០០ឆ្នាំ |

មុនប៉ះគ្នាយប់នេះ! Mourinho និយាយថា Napoli គ្រងជើងឯក Serie A រួចទៅហើយ

  • ចុះផ្សាយថ្ងៃទី២៩ ខែមករា ឆ្នាំ២០២៣ ម៉ោង ១២:២៧ នាទី ដោយ Mesa
  • 1555
  Aa |   aA

អ៉ីតាលី៖ មុនជំនួបនាយប់ថ្ងៃទី២៩ ខែមករានេះ អ្នកចាត់ការទូទៅក្រុម AS Roma លោក Jose Mourinho និយាយថា ក្រុមកំពុងឈរកំពូលតារាង Napoli បានរក្សាតំណែងនេះ និងគ្រងជើងឯកលីគកំពូលអ៉ីតាលីរួចរាល់ទៅហើយ ខណៈក្រុមរបស់លោក Luciano Spalletti កំពុងនាំមុខដាច់ ១០ពិន្ទុក្នុងតារាងលីគកំពូល Serie A របស់អ៉ីតាលី។

ក្រុម Napoli បច្ចុប្បន្នកំពុងឈរនៅចំណាត់ថ្នាក់លេខ​១ មាន ៥០ពិន្ទុក្នុងដៃ ក្រោយឆ្លងកាត់១៩ប្រកួត ខណៈក្រុមជើងឯកឆ្នាំ២០២១ Inter Milan មាន៤០ពិន្ទុ  ក្រោយលេងបាន ២០ប្រកួត តាមពីក្រោយដោយ Atalanta មាន ៣៨ពិន្ទុក្រោយលេងបាន ២០ប្រកួត ស្របពេលក្រុមការពារតំណែងជើងឯក AC Milan កំពុងឈរនៅលេខ ៤ មាន ៣៨ពិន្ទុដូចគ្នា​ ប៉ុន្តែនឹងត្រូវប៉ះជាមួយ Sassuolo សម្រាប់ស​ប្តាហ៍ទី២០នេះ។

ក្រុមរបស់លោក Mourinho ដែលកំពុងឈរលេខ ៦ មាន ៣៧ពិន្ទុស្មើគ្នាជាមួយ Lazio ដែលឈរលេខ ៥ ដែលលោកនិយាយថា Napoli អាចនឹងមានការប្រកួតប្រជែងស្វិតស្វាញបន្តិចក្នុងជំនួបទល់នឹងក្រុម Roma នៅយប់នេះ ដោយលោកបានអបអរសាទរទុកជាមុនសម្រា​​ប់ Napoli ដោយគ្រាន់តែនិយាយថា AS Roma នឹងព្យាយាមយកនូវលទ្ធផលល្អមួយប៉ុណ្ណោះសម្រាប់ការប៉ះគ្នានៅទឹកដីរបស់ Napoli រាត្រីនេះ។

បន្ថែមពីលើការលើកឡើងពាក់ព័ន្ធនឹងក្លិប Napoli លោក Jose Mourinho ក៏បានបញ្ជាក់ពីរឿងរ៉ាវរបស់ខ្សែប្រយុទ្ធ Nicolo Zaniolo ដោយលោកនិយាយថា កីឡាកររូបនេះនឹងនៅតែបន្តរួមរស់ជាមួយក្លិប AS Roma ដដែល ស្របពេលសារព័ត៌មាន Sky Sport ចុះផ្សាយថា ក្លិប Premier League បានដាក់សំណើ ៣០លានផោនទិញយកគេពីអ៉ីតាលី ប៉ុន្តែត្រូវបានសាមីកីឡាករ Zaniolo ខ្លួនឯងផ្ទាល់បដិសេធ៕




ព័ត៌មានជាច្រើនទៀតសម្រាប់អ្នក